Наш водич за совршено домашно кафе
Или можеби: „Свари ми кафе силно како мене, а слатко како тебе“? Овие наизглед шеговити изреки многу кажуваат за едно – колку кафето всушност е важно во нашиот секојдневен живот
Пиењето кафе кај нас не е само навика – тоа е ритуал. Знак на внимание, начин некого да утешиш, израдуваш или едноставно – да го започнеш денот како што треба. И за тој ритуал да има полн ефект, кафето мора да биде совршено приготвено. Зашто, добро кафе не настанува случајно.
За подготовка на вистинско домашно кафе, секој чекор има своја улога. Од изборот на ѓезве, квалитетот на водата, температурата – па сè до местото на кое се служи кафето. Да, дури и тоа игра важна улога.
„За правилна подготовка и добра подготовка на домашно кафе, неопходна ни е добра вода, тоа значи – вода од чешма, тврда вода. Избор на ѓезве – емајлирано, затоа што во емајлот водата најбрзо зоврива, водата не се „мачи“. Значи, од тврда не правиме мека вода, што е многу важно за вкусот. Затоа никако не треба да се користи флаширана вода“, порачува професионалниот дегустатор на Grand кафe, Илија Ѓуриќ.
Тој понатаму вели дека водата мора да зоврие, но не и да врие, бидејќи со вриењето водата омекнува.
„Кога водата ќе зоврие, се трга од плотната, се става саканото количество кафе, добро се промешува, за да почне да се крева. Штом почне пената да се крева, процесот е завршен. Кафето се служи на местото каде што се пие – никако не се служи во кујната, па да се носи шолјата – јас тоа го нарекувам „вознемирување на кафето“, сликовито објаснува Илија.
Звучи како мала наука, нели? А сепак – сè е во деталите. Токму тие детали ја прават разликата меѓу само една шолја кафе и шолја уживање.
Чекори за варење добро кафе
Чекори за варење добро кафе
-
Користи ѓезве од емајл
За подготовка на традиционално кафе најдобро е да се користи ѓезве од емајл, бидејќи рамномерно ја распределува топлината и не го менува вкусот на кафето, што придонесува за чист и автентичен вкус. -
Користи тврда вода од чешма
За правење кафе се препорачува користење тврда вода од чешма, бидејќи му дава подобар вкус на кафето. Во спротивно, меката вода би го направила вашиот напиток без вкус. -
Водата треба да зоврие, но не смее долго да врие
Водата загревајте ја додека не зоврие, но важно е да не остане долго на оган во врела состојба, бидејќи предолго вриење може да ја омекне водата и да го наруши вкусот на кафето. -
Ѓезвето тргнете го од ринглата кога се додава кафето
Кога водата ќе зоврие, тргнете го ѓезвето од оган пред да се додаде мелено кафе. На тој начин кафето нема да биде премногу загреано и нема да стане горчливо. -
Кога ќе почне да се крева пена – напитокот е сварен
По додавањето на кафето, вратете го ѓезвето на ринглата, но внимателно, за кафето да не зоврие премногу силно. Кога на површината ќе почне да се крева густа пена, тоа е знак дека кафето е готово и треба веднаш да се тргне од оган. -
Кафето сипете го во шолја таму каде што се пие
Готовото кафе понесете го во ѓезвето до местото каде што се пие, и таму сипете го во шолјичка. Сервирањето на местото каде што се пие е важно, бидејќи за време на мирувањето во шолјата најуспешно се врши фино извлекување, што дава квалитетен вкус.
Пријави се на нашиот newsletter.
Пријави се на нашиот newsletter.
